– Fornuftig å redusera nærkontaktar ein periode framover

Beredskapsgruppa i Kvinnherad kommune oppmodar innbyggjarane om å ivareta godt smittevern.

Beredskapsgruppa har faste møter fleire gongar kvar veke i denne perioden med auka smitte i kommunen. Frå onsdagens møte vert det meldt at det framleis er stort smittetrykk i Kvinnherad.

– Kommuneoverlegen bed om at innbyggjarane er ekstra merksame i høve å ivareta godt smittevern. Bli heime dersom du ikkje er frisk, hald avstand til andre og ver nøye med handhygien, skriv Kvinnherad kommune i ei melding på sine nettsider onsdag kveld.

– Det er også fornuftig å redusera tal nærkontaktar ein periode framover, held kommunen fram.