Forlenger Ukraina-innsamlinga med éi veke

Kvar laurdag den siste tida har det vore innsamling på Ukraina-lageret i Uskedalen.

«Interessa er stor og det kjem gjevarar frå heile kommunen. Sist laurdag var det til tider kø for å få levert sekker med kle og sko og anna utstyr. Petol har donert brannsløkkingsutstyr. Kopimaskin, miksepult, høgtalar, syklar, rullestolar, senger og madrassar er noko av det som står klart for opplasting», skriv nettstaden Uskedalen.no.

Tormod Myklebust i THK-stiftinga opplyser til Grenda at innsamlinga er forlenga med éi veke, og lageret er difor ope også komande laurdag føremiddag.

– Alt blir sendt herifrå rett over helga, så no er det siste sjanse for å få noko av garde før vinteren, seier han.