Forlengar straumstøtta
Grunna dei vedvarande høge straumprisane har regjeringa bestemt at straumstøtteordninga vert forlenga.
Publisert
Tysdag 8. mars kunne den nye Olje- og energiministeren Terje Lien Aasland meddele at ordninga som skulle gjelde ut mars blir forlenga.
– Vi har i dag bestemt oss for at vi vil fortsetja ordninga som gjer at vi reduserer dei ekstreme utslaga av dei høge prisane no for hushaldningane. Så vi vil vidareføre den straumstøtteordninga som har vore, sa han til NRK.
Annonse
Detaljane i sjølve støtteordningane er ikkje utarbeidd, men dei vil han raskt koma attende til.
Staten dekkjer 80 prosent av straumprisen over 70 øre per kilowattime. Etter det NRK erfarar vurderer regjeringa både nivået på støtta, samt kor lenge ordninga skal vara.
