Førebyggjande foreldrekurs for å skapa tryggleik hos barn
I februar startar eining for barn og familie opp med rettleiingsgrupper for foreldre innan tryggleik og grunnleggjande behov.
Publisert
Sist oppdatert
COS-P (Cicle of Security-Parenting) eller tryggleikssirkelen, rettar seg mot foreldre si evne til å forstå barnet sine grunnleggjande behov for tryggleik, å høyre til og autonomi.
Kurset gir foreldre verktøy til å betre forstå kva behov barn har, kva signal dei gjer og kva ein kan gjere for å møta desse behova på ein betre måte. Når barnet sine behov blir forstått vil barnet si kjensle av tryggleik og forståing av seg sjølv auke.
Annonse
Målet er at barna skal kjenna seg trygge og på den måten stå sterkare rusta til å møta utfordringar i livet. Kurset kan òg gje eit betre samspel mellom barn og foreldre.
«Tryggleikssirkelen er eit foreldrerettleiingsprogram som ynskjer å gje foreldre eit «vegkart» til å forstå barnet sine behov og signal, og modellar for korleis foreldre kan prøva å møta desse behova. Vi tek utgangspunkt i nyare tilknytingspsykologisk teori og forsking.
Programmet er konkret, og teorien som vert presentert vert knytt til eksempel og samtale. COS-P kan gje deg høve til å bli ein enda betre forelder for ditt barn», heiter det på kommunen sine sider.
Tilbodet gis som eit førebyggande tiltak retta mot foreldre. Tiltaket er utvikla for familiar utan kjend risiko for utvikling av tilknytingsproblematikk.
Annonse
Første samling er torsdag 8. februar og det vart sett av 1,5 time ein gong i veka i 8 veker på Kulturhuset. Samlinga er gratis, men ein må melde seg på.
