– For vår bedrift utgjer 1 øre i auka kraftkostnad 29 millionar norske kroner i året

– For vår bedrift utgjer 1 øre i auka kraftkostnad 29 millionar norske kroner i året. 1 øre, sa han, før han understreka at mange av aluminiumsverka i Europa har lagt ned, nettopp på grunn av høge kraftprisar.

Med lett hovudristing stilte han også spørsmål med tanken om at kraftprisen skal vera lik i Europa.

– Når eg er i Sør-Spania for å laga litt mat i leiligheita, altså når eg er på ferie, så brukar eg gass. Og det gjer dei i dei fleste land i Europa. Likevel skal vi ha lik pris på krafta vår, basert på rein vasskraft. Logikken i dette er heilt blåst, sa han.

Energi og industri gjev grunnlag for lokalsamfunn

Han meinte det var framsynte politikarar her i landet, som i si tid tok i bruk vatn til å laga den reinaste energien som finnest - ei avgjerd det vaks lokalsamfunn ut frå. I same venda trekte han fram industrien, som har bidrege til at vi har fått lys og varme i husa våre, samt ein god offentleg, sterk sektor.

Dersom dei høge prisane held fram spådde Normann at dette ville ta slutt.

– No er det folkeopprør som seier «Dette finn vi oss ikkje i!». Og det kjem vi til å hugse når vi skal stemme på kven som blir våre neste folkevalde. Får vi det ikkje til no, kva tid skal vi elles få det til? Lukke til og power to the people, slutta han, til god respons frå meddemonstrantane.

Arrangøren nytta Facebook til å takka for det gode frammøtet.

«No må sentrale styresmakter lytta. Me krev politisk kontroll, krafta er vår!» helsa dei.

- Må ikkje skusle vekk den naturgitte ressursen som energi er!