Folkefest i Rosendal: F.h. Cathrine Enæs, Anna Framnes Thoresen, Maria Hass Solheim, Frida Seim Steffensen og Norah Kristoffersen hadde sikra seg ein god plass tett på scena, og gledde seg stort til konsertstart.

Folkefest i Rosendal. Sjå bilete her!

Store og små strøymde til Rosendal for å bli med på festen som Salmon Eye og Eide fjordbruk hadde stelt i stand utanfor rådhuset fredag ettermiddag.

Jorun Larsen
Publisert Sist oppdatert

Det var mange smil å sjå under ettermiddagsprogrammet til arrangørane. Dei yngste benka seg framom scena då Vil Vite senteret i Bergen hadde show. Med litt pyro, nokre poff og høge smell var det over, men ungane Grenda prata med i etterkant meinte det var kult.

– Haldt de for øyrene når dei ba oss om å holda for øyrene?

– Nei, og det gjekk greitt, sa Thor Olav Hjelmeland, Helge Lekva Hjelmeland og Abel Lund-Mikkelson etter at showet var ferdig.

Magnus, Mirjam, Vilde, Nora Mari og Sigrid (lengst til venstre) går i 3. klasse på Malmanger skule. Dei samla seg framføre scena då Vil Vite haldt show.
Folkefest i Rosendal: Vil Vite-show trekte mykje folk.
Både unge, mindre unge og unge vaksne møtte opp for å bli med på folkefesten i Rosendal.
Folkefest i Rosendal: - No kjem eit smell, hald dykk for øyra!
Kompisane Thor Olav Hjelmeland (f.v.), Helge Lekva Hjelmeland og Abel Lund-Mikkelson haldt seg ikkje for øyrene, og det gjekk bra.
Vil Vite stilte med poff og smell.
Sola skein om kapp med dei flotte folka som møtte opp for å ta del i hendinga. Her eit knippe begeistra ungar som svarte på spørsmål frå scena og foreviga minner på mobilen. Ein av dei spanderte til og med eit nydeleg smil på fotografen.
Det var mykje å sjå på under folkefesten i Rosendal fredag ettermiddag.

Solfaktor 30 og 15

Fleire av dei større ungane (og ei heil røys av dei vaksne) var på plass for å få med seg gratiskonserten.

Nokre av dei som venta spente, men med eit upåklageleg tolmod, var veninnene Cathrine Enæs, Anna Framnes Thorsen, Maria Hass Solheim, Frida Seim Steffensen og Norah Kristoffersen.

– Kven er det de gler dykk mest til?

– Kjartan! svara Maria, til samde nikk frå fleire.

Frida hadde eit anna band på topp, nemleg DDE. Ho kunne også melda om at ho hadde smørt seg med solkrem før konserten, både med solfaktor 30 og 15.

Det var det kanskje ikkje alle som hadde hugsa på denne nydelege seinsommardagen.

– Me kjem til å bli solbrente, var neste kommentar frå dei andre.

Tolmod er ein dyd.
Frå Uskedalen kom tolvåringane Ingvild Tvilde, Vilde Helgesen og Aurora Sofie Guddal Tarberg. Dei gledde seg, som mange av dei andre, til konsert.
Sofiia Gotsuliak var med på festen. Ho hadde høveleg pynta seg med glitter og paljettar.
Sola skein om kapp med dei flotte folka som møtte opp for å ta del i hendinga.

– Veldig god!

I tillegg til musikk og show var også maten gratis denne ettermiddagen. Blant dei som var invitert til å metta dei opp til 3000 menneska som kunne sleppa inn på området var Rosendal Gardsmat.

– Me har 500 pølser, og held det fram i denne farten vil me vera tomme om ein time. Okei då, halvanna time. Men det er framleis ein time til konserten byrjar, og det er kø heile tida, sa dei tre som stilte opp i kjøttpølseboden.

Medan dei virra rundt i steikeosen, og steikte opp så mange sundepølser som råd var på kortast mogleg tid, kunne ein ikkje sjå teikn til at køen ville minka.

Blant dei som fekk kvar si pølse i neven då Grenda lista seg bort mot ketchupen var Gunn Hilde Øymo og Thomas Mælen frå Norheimsund.

– Har de smakt sundepølsa før?

– Nei, svara dei og gjekk med på å bli avbilda i lokalavisa og avgi sin dom.

– Kjempegod! Mykje smak! Spesiell! smilte dei begeistra.

For ein folkefest det vart i Rosendal etter avdukinga av Salmon Eye. Thomas Mælen og Gunn Hilde Øymo frå Norheimsund nytte sol, stemning og sundepølsa.
Rosendal gardsmat hadde med seg 500 pølser. Dei fekk bein å gå på, for å sei det slik.
Sumo stilte med sushi til 3000 personar, noko som var svært populært.
Gratis mat såg ut til å vera eit smakfullt trekk frå arrangøren. Her den nær evigvarande køen framføre vogna til Søtt + Salt.

Svært god marknadsføring

Mælen har delteke i prosjektet, og som representant frå dei involverte i avdukinga kunne han ikkje bede om ein betre dag.

– Me kunne ikkje vore heldigare. Avdukinga var jo vêravhengig, og det har vore ein fantastisk dag, sa han engasjert, før han like smilande la til:

– Heile dagen har vore ei svært god marknadsføring både for oppdrettsnæringa, for laks, for Rosendal og for lokalsamfunnet!

Før konserten braka laus passa Tarjei Strøm på å hausa opp litt ungt og lokalt engasjement for miljøet i sjøen og den komande ryddeaksjonen Rein Hardangerfjord.
– Me treng å mobilisere så mange som mogleg frå heile regionen. Me skal gjere dette i fem år, og fjorden skal bli heilt rein for plast, sa ein engasjert Kenneth Bruvik (t.h.) til forsamlinga. Her på scena med Sondre Eide, sjef i Eide Fjordbruk.
Under den uhøgtidelege handsopprekkinga vart det synleg at mange vil delta på Rein Hardangerfjord.
For ein folkefest det vart i Rosendal etter avdukinga av Salmon Eye!
Området var rigga for 3000 personar. Dei mange vaktene var godt synlege.
biletseriar kultur rosendal nyhende underhaldning kultur og underhaldning
Powered by Labrador CMS