– Folk er stort sett ærlege her

– Her hjå oss er det om lag 30 prosent av kundane som går gjennom sjølvskanninga. I byrjinga var mange opptatt av om det ville bety redusert arbeidskraft, men det har det ikkje gjort. Me får heller betre tid til å gjera andre ting, og me har ikkje merka noko større svinn etter at sjølvskanningskassane kom enn før. Då hadde me sett det på tala, forsikra både dagleg leiar Gunn Mari Moberg og medeigar Kjersti Nilsen Børve.

– Dersom me mistenkjer at nokon prøver seg på noko, så tek me ein ekstra kontroll. Men folk er stort sett ærlege her i Uskedalen. Me sel til dømes fleire plastposar i sjølvbeteningskassane enn i dei bemanna kassane, fortalde Moberg leande.

– Må sjå kva som skjer

Tryggare

Likevel har dei stundom opplevd ein tendens til steling blant enkelte yngre grupper.

– Me har opplevd at det har vore forsøk på steling blant enkelte spesifikke grupper, men etter at me tok nokre telefonar så stogga det. Så det gjekk veldig greitt, men me i daglegvarebransjen snakkar jo i lag og me får alltid melding dersom det er nokon me skal vera litt merksame på, sa den daglege leiaren.

I likskap med Raymond Johansen ved Bunnpris er både Moberg og Børve også einige om at det er dette som er framtida.

– Dersom ein skal kjøpa øl eller tobakk i sjølvbeteningskassane så må ein ha lagt inn eit fingeravtrykk, og eg meiner at den tommelen er tryggare enn eit bevis i vanleg kasse. I tillegg er det mange som tykkjer det er meir behageleg med sjølvbeteninga, understreka Børve, medan Moberg nikka samtykkande.

– Me opnar tidleg og då er det ein del som kjem innom for å kjøpa seg litt frukost eller andre småvarer. Då er ein gjerne trøytt og set pris på stillheita og roen sjølvbeteninga gjev, poengterer dei.

Også i likskap med Bunnpris på Seim har heller ikkje Spar Uskedalen planar om å kvitta seg med dei sjølvbetente kassane.

– Folk er stort sett ærlege her

– Det er dette som er framtida