Folgefonntunnelen er stengt

Søndag kveld gjekk det eit ras rett utanfor Folgefonntunnelen på Maurangersida. Vegen er no stengt.

Det skal ifølgje kjentfolk vera i Ospelundsgjelet raset har gått. Raset skal vera ganske omfattande, og ha nådd ut i halve vegen. Vegtrafikksentralen har per klokka 21.20 ikkje lagt ut melding om at vegen er stengt, men Grenda har tips om at stenging er innført.

Fyrst klokka 21.45 kom varselet om stenging på Vegtrafikksentralen. Der står det starttid klokka 19.47 og berekna sluttid 23.47. Om det betyr at vegen blir opna i løpet av kvelden/natta gjenstår å sjå. Mest truleg vil ikkje vegen opna før tidlegast når dagsljoset kjem måndag morgon.