Flotte resultat i foto-NM: Atle Helland på fjerdeplass
Fotografar i Kvinnherad gjorde det svært bra i årets NM i foto. Kvinnherad Fotoklubb kom på 11. plass blant 64 ulike fotoklubbar.
I tillegg var det mange av fotografane som vart antatt, og fleire fekk i tillegg heiderleg omtale. I alt 620 fotografar deltok i årets NM i foto som Norsk Selskap for Fotografi arrangerte.
Konkurransen går over to rundar: Éin om våren og éin om hausten. Kvar fotograf kan delta med opp til 12 bilete fordelt på ulike klassar. Klassane i 2024 var fargebilete, svart kvitt-bilete, natur, skugge og dokumentasjon/fotojournalistikk.
Annonse
Kvart bilete vert vurdert, og kan få ulike grader av «kvalitetsstempel».
John Asle E. Hansen fekk to bilete antatt, Sigve Solheim og Inge Audun Røssland fekk begge tre antatt, Elisabeth Skogseth fire antatt, Lars Martin Teigen fekk ein heiderleg omtale og seks antatt, Lars Håvard Eikeland fekk ein heiderleg omtale og åtte antatt, og Atle Helland fekk to bronsemedaljar, to heiderlege omtalar og 5 antatt.
Totalt i konkurransen kom Atle Helland på 4. plass, Lars Martin Teigen på 29. og Lars Håvard Eikeland på 51. plass. Det må ein seia er bra, av 620 fotografar.
