Fire koronasmitta siste veka
Kommuneoverlegen rapporterer om fire tilfelle av koronasmitte i Kvinnherad siste veka.
Publisert
Sist oppdatert
– Det vart oppdaga to smittetilfelle førre helg. Eitt av dei var importsmitte, som også har smitta vidare til to nærkontaktar, som har testa positivt på covid-19-viruset. Det siste smittetilfellet her i kommunen har ikkje samanheng med importsmitten, men gjer likevel at totalen er fire smitta i løpet av den siste veka, fortel kommuneoverlege Glenn A. Opland til Grenda.
At desse smittetilfella har gått under radaren til både presse og ålmenta kan skuldast at det er langt mindre konsekvensar knytt til smittetilfella i oktober 2021 enn det var for til dømes seks eller tolv månader sidan.
Annonse
– Det er blant anna kortare karantenetid no, og dei som er vaksinerte slepp karantene. Men er du smitta, så skal du fem døger i isolasjon, uavhengig av om du er vaksinert eller ei, opplyser kommuneoverlegen.
