Fiksar fasaden

Dei tre gravplassarbeidarane til Kvinnherad kyrkjelege fellesråd starta førre veke på eit nytt prosjekt. Nemleg å vøla veggen over inngangspartiet til Ølve kyrkje.

– Vi tek vekk alt materialet som er dårleg og fiksar veggen. Det viste seg å vera på tide, for deler av bordkledninga kunne vi trekkja rett ut, då spikrane var rusta, seier Helge Furdal.

I hovudsak er det kledninga opp til dei øvste vindauga som skal skiftast. Trioen vil elles prøva å etterlikna dei originale listene.

– Fordelen med at alle tre eigentleg er snikkarar, er at vi kan gjera arbeidet sjølve, smiler Furdal.

Prosjektet er truleg ferdig i løpet av neste veke.