FHI: – Ingen sterk anbefaling
Regjeringa opnar likevel opp for koronavaksine til 5-11-åringar.
Publisert
Sist oppdatert
Etter anbefaling frå Folkehelseinstituttet (FHI) har regjeringa i dag, 14. januar, opna opp for å gi koronavaksine til born i alderen 5-11 år, samt for å tilby andre dose til 12-15-åringer.
Medan risikoen for alvorleg sjukdom som følgje av covid i denne aldersgruppa er vurdert som låg, og behovet er såleis begrensa. Likevel meiner FHI at det utvida tilbodet kan vera nyttig i somme høve.
Annonse
Tilbodet for den yngste målgruppa er mest aktuelt for born med kroniske sjukdommar, born som er i kontakt med sårbare personar og born som skal opphalde seg eller flytte til land med høg smitterisiko eller dårlegare tilgang til helsetenester.
– Det er ikkje tvil om at vaksine kan gi vern mot alvorleg sjukdom også hos born, men vernet mot smittespreiing er dårlegare, særleg med omikron. Me har sett i norske data at gjennomgått infeksjon hos ungdom kan gi svært godt vern mot ny infeksjon, og det kan difor vera ein fordel for vern mot nye virusvariantar i framtida. Difor har me råda regjeringa til at vaksinasjon av born og andre dose til ungdom bør vera opp til den enkelte, og ikkje ei sterk anbefaling frå myndigheitene, seier Margrethe Greve-Isdahl, overlege ved FHI.
