Festidalen-skryt frå politiet
– Me må skryta over eit fint arrangement. Det var svært lite å gjera på for oss.
Publisert
Sist oppdatert
Det seier politioverbetjent Torgeir Fosse ved Kvinnherad politistasjon måndagen etter at Festidalen er vel i hamn.
– Litt rusk er det alltid når så mange menneske er samla, men det var ikkje noko som kjem til å føra til at me opprettar straffesaker. Det var to episodar der til saman fem personar vart bortvist frå området. Natt til laurdag var det også ei overstadig rusa kvinne som politiet måtte ivareta i nokre timar. Ho fekk sova litt i arresten før ho kunne ta vare på seg sjølv. Det blir ikkje straffesak der heller, sluttar Torgeir Fosse.
