Fersk millionær frå Dimmelsvik: – Eg er nesten litt svimmel no!
Mannen frå Dimmelsvik såg kven som ringte. – Har eg vunne ein million, spurte han då Norsk Tipping slo på tråden fredag kveld. Svaret var ja.
Publisert
Sist oppdatert
Mannen var heime med sambuaren då telefonen kom, og spurte om å få setja på høgtalar.
– Det er jo storarta, sa han, før den velkomne stemma i telefonen spurte kva premien skulle nyttast til.
Annonse
– Eg kjenner at eg nesten er litt svimmel no, så eg klarar ikkje å tenke klart. Men premien skal nok gå til nedbetaling av litt gjeld, slutta millionæren.
Mannen vart millionær i spelet Nabolaget, noko som gjer at det kan vera fleire frå det same området som er hakket rikare i dag enn det dei var før trekninga fredag kveld.
I tillegg til premien hovudvinnaren får, dryp det nemleg på fleire som bur i nærleiken av vinnaren. Norsk Tipping har truleg delt ut feire pengepremiar, frå 100.000 til 50 kroner, til innbyggjarar i Kvinnherad i fredagsrunden.
