Ferjeutgreiing blir dyrare
Kvinnherad kommune må punga ut med meir pengar for utgreiinga av nye ferjekaiar på sambandet til Stord.
Publisert
Sist oppdatert
Både Kvinnherad og Stord har tidlegare løyvd 500.000 kroner til utarbeiding av eit forprosjekt for å realisera størst mogleg innkorting av ferjesambandet mellom kommunane. Forprosjektet skal omfatta både «Ytre Molo», ferjestø og tilførsleveg utanfor Leirvik (Djupavikjo), og nytt ferjestø på vestsida av Halsnøy, samt utbetring av tilførselsveg frå Sæbøvik.
Opphavleg finansiering av forprosjektet var som nemnt 1 million frå dei to kommunane, medan fylkeskommunen stilte med 200.000 kroner. Men då kommunestyret på torsdag handsama kvartalsrapporten for tredje kvartal, hadde Ove Lemicka (Frp) merka seg at pengebehovet hadde passert 3 millionar kroner.
Annonse
– Kvifor det?, undra han.
I rapporten står følgjande:
«No er vi klare for å gå i gang med forprosjektet, men nye kostnadar og allereie påløpne kostnadar viser ei nødvendig løyving på totalt 3,3 millionar kroner».
Vestland fylkeskommune har føreslege å dela summen med 1,1 millionar på kvar av dei tre partane. Kommunedirektør Leif Ove Mikkelsen tykte det var positivt at fylket dermed har auka sin andel.
