Femsteinevik-sølv i supersprint

Begge kvalifiserte seg, som ein av femten utøvarar i kvar sine klassar, til finalen i supersprint i skiskyting, som gjekk føre seg i Sandnes fredag kveld.

Medan Ragnhild Femsteinevik til sist måtte sjå seg slått av sine motstandarar, klinka Martin til med den nest høgste plasseringa på pallen, knappe 2 sekund bak førsteplassen.

Berre Vetle Sjåstad Christiansen viste seg å vera i betre form enn Martin på supersprinten, medan Sturla Holm Lægreid gjekk inn til ein bronse.

Godt i rute

– Eg vil ikkje leggja alt for stor vekt på denne pallplasseringa ettersom vi er i juli månad, og det er litt forskjell på rulleski og skøyting på snø. Likeins er det på den flate traseen her i Sandnes og kapasitetsløyper i terrenget. Men det er utruleg artig å sjå at treninga eg har lagt ned i sommar held mål og gir resultat, sjølv om eg på grunn av sjukdom i juli fekk trent mindre enn eg hadde lagt opp til. Eg føler likevel at eg er i rute og er minst like sterk no som eg var i fjor, sa den dedikerte skiskyttaren til lokalavisa.

Topp 3 kvinner

1. Marketa Davidova, Tsjekkia, 15:26.4

2. Karoline Knotten, Norge, 15:31.1

3. Julia Simon, Frankrike, 15:35.2

Topp 3 menn

1. Vetle Sjåstad Christiansen, Norge, 13:19.2

2. Martin Femsteinevik, Norge, 13:21.4

3. Sturla Holm Lægreid, Norge, 13:25.2

I dag blir Blinkfestivalen avrunda med sprint for langrennsløparane og fellesstart i skiskyting i Sandnes.