Fem veglause gardsbruk får tilskot
Formannskapet vedtok å dela ut frakttilskot til fem veglause gardsbruk i Kvinnherad.
Publisert
Politikarane følgde innstillinga til kommunedirektøren og delte ut same beløp til alle fem søkjarane. Dermed vert det 4.000 kroner kvar til fire bruk på Snilstveitøy og eitt på Skorpo. I kommunen sitt budsjett for 2024 var det sett av 20.000 kroner til føremålet, medan totalt søknadsbeløp var på 72.690 kroner. Pengane går til gardsbruk i Kvinnherad som ikkje har veg, og som derfor får ekstrakostnadar med frakt til ulike føremål i samband med gardsdrifta.
«Eit anna føremål som tilskotet er med og bidreg til, er oppfylling av driveplikta på gardsbruk som ikkje er i aktiv drift, men der eigarane har kostnadar med å få frakta slåtteutstyr fram til garden», stod det i sakspapira til Formannskapet førre veke. Det vart lagt til at ordninga kan vera med og sikra busetjing i desse områda.
Annonse
Tildeling 2024:
Søkjar, føremål, søknadsbeløp u/mva, tildeling
Ole Kristoffer Vågen, gardsdrift på Skorpo, 11.400, 4.000
TM anlegg, slått på Snilstveitøy, 20.000, 4.000
Annonse
Sigbjørn Øye, gardsdrift på Snilstveitøy, 20.790, 4.000
Øystein Helland, gardsdrift på Snilstveitøy, 8.500, 4.000
Svein Kristian Eidsvik, slått på Snilstveitøy 12.000, 4.000
