Feltarbeid i Uskedalselva
Mellom juni og november skal biologar utføre feltarbeid i ulike elvar i Sunnhordland. I Kvinnherad står utløpet av Uskedalselva på planen.
Publisert
Dette kjem fram i ei nyhende på Kvinnherad kommune sin nettstad. Det er Sunnhordland vassområde og Statsforvaltaren i Vestland som samarbeider om å undersøke elvar.
Føremålet er å kartlegge miljøstand, og undersøkingane skal gje ein peikepinn på eventuell ureining.
Annonse
«Undersøkinga er ein del av arbeidet for at alle innsjøar, elvar, kystområde og grunnvatn skal oppnå miljømål etter vassforskrifta. Det er leigd inn konsulentar som skal samle inn og analysere vassprøvar og prøvar av botndyr og begroingsalgar» heiter det på kommunen sine sider.
Faun Naturforvaltning AS er valt som leverandør av tenesta.
«Dei startar opp 13. juni, og skal etter planen halde på med dette arbeidet i periodar fram til og med november», melder Kvinnherad kommune.
Åtte Sunnhordlands-elver er lista opp i denne omgangen, ei elv i Sveio, to på Stord, to i Vindafjord og to elver på Tysnes i tillegg til den eine i Kvinnherad.
