Fekk varsel om fyrverkeristøy på Valen

– Me fekk fleire meldingar om smell på Valen rett før klokka 23 på laurdag. Det er fyrverkeri som har vore smelt av ved skulen, og patruljen vår har funne restar av det blant anna i ein sandkasse, opplyser politioverbetjent Torgeir Fosse.

Søndag kom det nye meldingar om fyrkeristøy, Fosse nyttar høvet til å minna at det er ikkje tillate med fyrverkeri no.

– Me veit ikkje kven som har gjort dette no, men me mistenker ein noko yngre garde, som kanskje kan ha hatt liggjande noko sidan nyttår. Om det er nokon foreldre som finn noko å konfiskera, så hadde det vore bra om dei gjorde det, seier Fosse på eit oppmodande vis.