Fekk raus gåve frå anonym gjevar
Takka vera ein privat gjevar, som ynskjer å vera anonym, har klosterruinane fått flott utandørs belysning.
Publisert
Sist oppdatert
– Vi er svært glade for den rause gåva og oppmodar alle som kan til å ta turen for å oppleva den magiske stemninga med dei lyssette ruinane, skriv Sunnhordland museum i ei pressemelding.
På klosteret jobbar dei kontinuerleg for å bevara og formidla ruinane etter augustinerklosteret på Halsnøy, dei har òg lenge hatt eit ynskje om å lyssetja ruinane.
Annonse
– Men med alle andre naudsynte oppgåver har museet ikkje hatt høve til å prioritera dette. No er det likevel kome flott utandørs lyssetjing på tunet. Dette er takka vera ein privat gjevar som ynskte å bidra til å realisera tiltaket, skriv Sunnhordland museum i pressemeldinga.
