Fekk læra om livet i fjorden og fjæra

– Dei har dissekert krabbar og fisk, køyrt båt, tatt opp garn og leita etter diverse i fjæra, meldte Krisitine Kolaas Teigen etter at ho hadde vore ute og servert gjengen dagens lunsj.

Knut Jan Kaldestad var kursleiar, og gjennom dagane kurset vart halde skulle deltakarane læra om dei ulike organismane og planteartane som utviklar seg i fjorden og fjæra, gjennom teori og oppdaging. Teorien vart servert ved Husnes ungdomsskule, medan oppdaginga føregjekk ved og på Valevågen.

– Første dagen hadde vi teori og gjennomgang av ulike ting frå samlinga mi. Neste dag trekte vi garn før vi dissekerte fisk og ungane fekk læra om innvollane til fisken. Siste dagen var vi i laboratoriet i kraftstasjonen og studerte det vi hadde funne, før elevane gruppevis hadde ein prøve til sist, fortel kursleiaren.