Fekk ein rikare skuledag

Anita Oppedal frå oppvekstsenteret samanfattar besøket i rosande ordlag, og håpar det blir mogleg med fleire framtidige besøk.

– Det var eit kjekt besøk der elevane fekk læra å byggja lego-roboten Willy Wedo. Dei måtte òg innom programmering. Andre tema var vekt einingar og friksjon, melder ho.

Newton-rommet vart opplevd som eit flott tiltak, som gjorde skulekvardagen til elevane rikare. Oppedal ville difor takka dei flinke lærarane Helena Espevik og Mathias Zimmermann for ein vellukka skuledag. Ein ekstra takk gjekk til alle som har bidrege til å realisere rommet.

Etter besøket ytra elevane frå Åkra oppvekstsenter ønskje om å få til noko liknande på skulen sin.

– Så det må me no satsa på, sluttar Oppedal.