Fekk del av rekkverket gjennom panseret - tok førarkortet
I 7-tida måndag morgon skjedde ei trafikkulukke rett nord for Hellandskrysset, ved vassverket på Husnes.
Publisert
Sist oppdatert
«Onarheimslio - trafikkulukke. Éin bil involvert. Bilførar skal vera ute av køyretøyet», skreiv 110Vest på Twitter. Like etter følgde Vest politidistrikt opp med at politi og brannvesen var på staden, og at det ikkje var meldt om personskadar.
Bilete viser at bilen står oppå autovernet. Ein del av rekkverket har knekt, og går under panseret og opp i frontruta.
Annonse
Vegen opna igjen klokka 08.20, etter at bilen var blitt frakta vekk med bergingsbil.
Førarkortbeslag
Førar av bilen, ei kvinne i 70-åra, forklarte for politiet på staden at det var trafikale årsakar som gjorde at ho måtte prøva å ta ein unnamanøver.
– Vedkomande, som køyrde sørover, klarte ikkje å stansa for bilen føre, og var først borti denne før ho etterpå hamna i rekkverket, fortel Torgeir Fosse ved Kvinnherad politistasjon.
Annonse
Han legg til at det er snakk om mindre materielle skadar på den andre bilen.
– Det er gjort beslag i førarkortet til denne kvinna, og vi har oppretta sak, sluttar han.
