Feirar 70 års jubileum med oktoberfest: - Velkjente drikkeviser kjem tett

70-årsjubileet til Husnes Musikklag vert markert med ein oktoberfest 8. oktober.

– Finn fram Tyrolarhatten og kom. Ta med deg venner, kollegaer, klubbvenninner, personalfesten og kos deg i lag med oss, skriv arrangørane på Facebooksida si.

Konferansier for kvelden er Sveinung Grønstøl, og på programmet står det mellom anna morosame sketsjar frå den populære og kjente revygjengen frå Høylandsbygd.

– Velkjente drikkeviser kjem tett og allsangfaktoren er høg. Musikken er og meget dansbar. Gjennom flittig bruk med «Ein Prosit» får ein fort den gode oktoberfest kjensla, lokkar Husnes Musikklag.