Får varsel om prikkar
To utestader har etter ein skjenkekontroll 15. april fått førehandsvarsel om tildeling av prikkar.
Både Gry Helges Bar og Restaurant og Bar-On får varsel om tildeling av 2 prikkar kvar etter brot på alkoholføreskrifta ved at internkontrollen mangla fleire dokument.
Fleire manglar
Annonse
Gry Helges mangla skjenkeløyvetdokumentet for perioden, rutinar for skjenking av alkohol, signerte opplæringsdokument av tilsette og alkoholpolitisk handlingsplan. I internkontrollen for tobakk mangla dei også nokre dokument, høvesvis opplæringsdokument av tilsette og rutinar for sal av tobakk.
Også Bar-On mangla fleire dokument, blant anna kunnskapsprøve for styrar og stedfortredar, avvikssystem og signerte opplæringsdokument.
Begge bedriftene har fram til 05. mai med å koma med ein uttale til kommunen før vedtak om prikktildeling vert fatta.
Dersom talet på prikkar kjem opp i 12 over ein periode på to år, vert løyvet inndrege i éi veke.
