Får tilskot til minibuss
Rosendal Iseri AS ved Tracy Kheder vert tildelt 30.000 kroner frå næringsfondet til innkjøp av minibuss.
Publisert
Selskapet søkte om 100.000, men styret i fondet følgde samrøystes kommunedirektøren si innstilling. Eigarane jobbar med å utvikla selskapet, som også skal driva med guiding og ulike turar for tilreisande til Rosendal og Kvinnherad.
«Frå mai 2022 til og med september 2022 har Rosendal Iseri AS hatt avtale med blant anna Hurtigruten. I den samanheng har verksemda hatt meir enn 900 gjester med på tur til Bondhusvatnet. I tillegg har Rosendal Iseri AS eigne båtar, som dei tilbyr fisketurar og guida turar i området med», stod det i sakspapira til møtet i fondet førre veke.
