Får besøk av kommunalministeren

Bakgrunnen for besøket er Øyvind Hardeland sin interpellasjon før sommaren, der han ynskte at kommunestyret skulle senda ein uttale der dei støtta kommunalministeren i hans uttale om å gje kommunane større råderett over eiga standsone, og generelt større lokalt sjølvstyre.

Ein slik uttale kunne bli vanskeleg å få til, men Hans Inge Myrvold gjekk då på talarstolen i kommunestyremøtet og spurde om eit alternativ kunne vera å få ministeren på besøk i Kvinnherad. Onsdag kjem han på besøk til kommunen vår.

Først blir det møte i rådhuset, der han får høyra litt om utfordringane i ein distriktskommune, kommunestyrepolitikarane og medlemmene i PTM-utvalet og forvaltningsutvalet er inviterte til å delta på kort varsel. Der kjem ein til å diskutera blant anna arealforvalting og byggjegrenser mot sjø. Etter møtet i rådhuset går turen til tomta for den grøne næringsparken, vidare til Kvinnherad Næringsservice, Bygger’n Teigen og brannstasjonen på Husnes, før ministeren returnerer til hovudstaden via snøggbåt frå Sunde til Flesland.