Fann urne med utalde røyster
59 førehandsrøyster til kommunevalet og 59 til fylkestinget vart funne i ei urne på eit arkiv då det blei rydda opp etter valet.
Publisert
Sist oppdatert
Oppteljinga fører ikkje til endringar i mandat eller plasseringar, melder leiaren i valstyret.
Alle røystesetlane vart straks registrerte, både personrøyster og partirøyster, og innan to timar var alle endringar på plass hos fylkeskommunen og valdirektoratet.
Annonse
– Urna har stått forsvarleg lagra i eit arkiv. Me oppdaga setlane då me rydda opp, og har telt dei opp og meldt dei inn til Valdirektoratet og fylkeskommunen. Trøysta me fekk var at me ikkje var aleine, og me får ros for godt grep, fortel leiar i valstyret, ordførar Hilde Enstad.
Valstyret får no ein ny protokoll til signering.
– Dette var førehandsstemmer. No blir det leiaren for valstyret sin jobb å ringa pressa og formidla denne uheldige hendinga. Det har blitt godt handtert og gir ingen utslag på sluttoppgjeret etter valet. Valstyret er informert, sluttar Enstad etter hendinga.
