Fann underslått leigebil med rusa førar bak rattet på Bømlo
Ronny Teigen leigde ut køyretøy, men fekk det ikkje tilbake som avtalt. Då bilen vart funne fekk leigetakaren både førarkort og mindre mengder narkotika beslaglagt.
Publisert
Sist oppdatert
Onsdag kveld la Ronny Teigen ut bilete av bilen Husnes Pit Stop Service hadde leigd ut, ein Toyota Aygo, på Facebook, kor han etterlyste tips.
«Den blei lånt ut, men ikkje levert tilbake som avtalt, og eg får ikkje tak i lånetakar», skreiv han der.
Annonse
Og grunna denne meldinga fekk han fleire tips i saka, noko som til slutt resulterte i at bilen vart observert på Bømlo.
– Men så var bilen plutseleg observert på vegen att, og politiet la seg på hjul. Dei fekk stoppa han, så no er bilen på veg tilbake hit til Kvinnherad, fortel Teigen.
Rus
Då politiet i Sør-Vest fekk stansa køyretyet på Svortland sto føraren fram som rusa.
Annonse
«Det var ein mann i 30-åra, same person som hadde leigd bilen. Han blei avhøyrt og det vart sikra blod.» skreiv dei på Twitter litt før klokka 12.30 torsdag.
Det vart både gjort beslag av førarkort og av ein mindre mengd narkotika.
Ronny Teigen er glad for at saka løyste seg ved hjelp av deling på sosiale medium, og likeins for at det ikkje enda i ei trafikkulukke.
