Familiedag i skogen

Barna som tek turen får lære å lage bål, spikke grillpinne og leikebåt, dei kan delta på hinderløype og prøve seg på quiz. Dei som kjem blir oppmoda til å ta med eiga drikke og sitjeunderlag, medan skogeigarlaget stiller med både pølser og brød, samt spikkeknivar til dei som ikkje har sine eigne.

«Frå parkeringa på deponi-området og oppover traktorveg vil det henge postar som de kan svare på ved å nytte eigen mobil. Spørsmåla er tilrettelagt for barn, men foreldre kan sende inn svar. Det vil etterkvart bli trekt ut tre heldige vinnarar av quizen som kan venta seg ein fin premie i posten», skriv arrangøren i førehandsomtalen.

Den urørte skogen som skal nyttast til familiedagen finn ein om ein køyrer opp ved Husnes Vassverk. Ein føl vegen forbi Frøysteingarden, og vidare opp mot deponiområdet. Der er det gode tilhøve for parkering.

«Været ser ut til å spele på lag, så vi vonar at dette vert ein fin og lærerik dag for store og små. Ta med heile familien og kom til skogs!» inviterer dei.