Få soppen sjekka
Laurdag 16. september kan du ta med deg soppane dine og få dei sjekka av soppekspert Geir Flatabø på Folgefonnsenteret.
Med ein sumar som starta med ein varm og tørr juni, etterfylgd av store nedbørsmengder i juli og august, har dette gjeve perfekte vekstforhold for «skogens gull», og det bugnar av sopp i skogane våre, seier naturrettleiar for Folgefonnsenteret Sara Nonås Langhelle i ei pressemelding.
Etter soppsjekken avsluttar Flatabø med eit føredrag om norske matsoppar. Føredraget er tilpassa både for deg som vil byrja å plukka sopp og deg som allereie er godt i gong med å plukka dei mest vanlege matsoppane, står det vidare.
