Få skadar i Kvinnherad etter ekstremvêret - politipatruljer sendt til Ullensvang

– Me skal ikkje klaga, når ein samanliknar med enkelte andre kommunar, seier Børve på telefon fredag føremiddag.

Ingen måtte evakuerast, og det har ikkje blitt meldt om store skadar på hus etter regnvêret. Politiet har patruljert i kommunen, men ikkje registrert nokon store problem.

– Det har gjerne blitt gjort tiltak ved kraftstasjonar, til dømes, men det er det eigarane som har stått for, me har ikkje vore innblanda i det.

Avrivne nummerskilt

Børve nemner også at dei har hatt eit godt samarbeid med kommunen i beredskapen, og at alt har gått greitt.

– Me er heldige nok til å kunna senda nokon politipatruljar til Ullensvang og bistå med arbeid der inne, fortel han.

Ølve Bygdelag melder at det har blitt funne fleire bilskilt på bakken på Tveitane. Her var det flaum over vegen. Mange bilar valde likevel å køyra gjennom, noko som gjekk ut over ein del nummerskilt.

«Eg har lagt dei på mjølkerampen på Tveitane», skreiv finnaren på Ølve Bygdelag si facebook-side.