Eviny vil satsa stort på vindkraft
Om nokon var i tvil på førehand, så er det ingen grunn til å tvila etter besøket i kommunestyret.
Publisert
Sist oppdatert
Då BKK/Eviny vitja kommunestyret på torsdag, spurde Jostein Saghaug (MDG) om konsernet også vil sjå på energikjelder som sol, bølgjer og tidevatn. Kristin Aadland, konserndirektør nett/administrerande direktør i BKK AS, avviste ikkje at sol kan verta aktuelt, men selskapet har ingen planar i den retning no. Vindkraft stiller det seg annleis med.
– Eviny har primært vind på land som satsingsområde, i tillegg til oppgradering av effekt i vasskraft, svarte ho.
Annonse
Ove Lemicka (Frp) var då raskt ute med å seia at vindkraft i Kvinnheradfjella ikkje er tema.
– Eg lovar at det ikkje blir utbygging av vindkraft i Kvinnherad. Det er fordi vi har stilt opp for storsamfunnet ved å gje natur til vasskrafta, sa han.
Lemicka nytta høvet til å leggja til at det var fornuftig å selja Kvinnherad Energi til BKK.
– Kvinnherad er BKK-land, fordi vi valde strategisk og let kraftselskapet vårt gå inn i konsernet dykkar. Det trur eg har vore ein god strategi, vurderte han.
