Erslandsvatnet rundt
IL Ternen ynskjer velkomen til tur- og konkurransedag i Erslandsparken laurdag 21. september. Deltakarar vil få glede av ei oppgradert løype rundt vatnet.
«Me håpar folk i alle aldrar tek turen», skriv Julie Askeland i ei pressemelding. Det er to ulike klassar ein kan delta i, turklassen og trim- og konkurranseklassen. Turklassen startar å gå frå Skarveland skule kl 09:30, og ein melder seg på før turen. Deltakarar i trim- og konkurranseklassen skal melda seg på i EQ-timing, og startar løpet kl 11.
IL Ternen lovar ulike aktivitetar undervegs og turkafé ved elevar frå Skarveland skule. Det vert gevinstar på startnummer, i tillegg til premieutdeling for trim- og konkurranseklassen.
Annonse
Dei vil også nytta høvet til å takka eldsjelene som har lagt ned mykje arbeid for å oppgradera traséen rundt vatnet.
«Me gler oss, og ser fram til liv og røre langs Erslandsvatnet og i Erslandsparken», avsluttar dei.
