Erslandsparken lyst ut på Doffin

Det spennande prosjektet Erslandsparken, som idrettslaget Ternen og Kvinnherad kommune samarbeidet om, er no lyst ut på Doffin. Der står det at arbeidet omfattar etablering av rulleskiløype, kunstgrasbane, parkeringsareal med meir. Estimert totalverdi er på 9 millionar kroner eks. moms.

Det er lagt opp til ein open tilbodskonkurranse. Tilbodssynfaringa vert skipa til 11. august, medan fristen for å senda inn tilbod er sett til 23. august. Kommunen satsar på kontraktinngåing i veke 37. Det vert truleg ein enklare prosess enn i mange andre samanhengar, for pris er det einaste tildelingskriteriet.

Anlegget skal vera ferdig innan 3. april 2023.