Erna Solberg: – Ikkje ha besøk heime

Regjeringa la fram nye og omfattande smitteverntiltak for dei neste to vekene søndag.

– Vi ser dessverre teikn til at ei ny smittebølge kan vera på veg. Smittetala aukar og smitten spreiar seg til nye område i landet. Vi har endå ikkje sett den fulle effekten av jule- og nyttårsfeiringa, kor mange har vore samla. Men overvakinga viser at smitten har auka i løpet av høgtida, sa statsminister Erna Solberg på søndagens pressekonferanse.

Regjeringa er uroleg for utviklinga i smittesituasjonen, og innfører difor nye og omfattande smitteverntiltak for heile landet dei neste to vekene.

– Vi kan ikkje la smitten koma ut av kontroll. Saman må vi ta eit krafttak for å hindra at smitten spreiar seg. Difor innfører vi ein ny kraftpakke. Samla sett så håpar vi at denne pakken er nok til å unngå ei ny bølgje. Men dette fungerer berre om alle tar del i denne og bidreg, seier Solberg.

 

Dette er tiltaka:

Sosial kontakt:

- Unngå ha besøk i heimen. Vent 14 dagar med private besøk. Unnatak for nødvendige heimetenester og besøk hos personar som er i livet sin siste fase. Åleinebuande kan ha besøk eller gå på besøk med ein til to faste vener eller til ein fast husstand. Barn i barnehagar og barneskular kan ha besøk frå eigen kohort.

- Alle organiserte fritidsaktivitetar, idrettsaktivitetar, kulturarrangement og livssynssamlingar innandørs, blir anbefalt utsett til etter 18. januar. Dette gjeld også alle aktivitetar innandørs som samlar barn og unge på tvers av klassar og kohortar.

 

Reiser:

- Unngå alle unødvendige reiser i inn- og utland. Hytteopphald med personar frå same husstand er framleis lov, innanfor dei lokale og nasjonale råda og reglane som gjeld.

 

Skular og utdanning:

- All undervising og alle planlagde arrangement ved universitet, høgskule og fagskular blir digitale fram til 18. januar.

- Alle landets vidaregåande skular og ungdomsskular går over til raudt nivå.

- Det vert ikkje gitt nasjonale føringar for nedstenging av folkehøgskular eller bibelskulane. Folkehøgskular følgjer tilrådingar og retningslinjer frå lokale helsemyndigheiter.

 

Arbeidsplassar:

- Heimekontor for alle som har moglegheit til dette.

Butikkar:

- Alle kjøpesenter og butikkar bør innføra avgrensingar på kor mange som slepp inn i butikken, slik at det er mogleg å halda avstand samt ha adgangskontroll. Regjeringa vil i løpet av dei nærmaste dagane vurdera om det skal forskriftsfestast antalavgrensingar og adgangskontroll.

Idrett:

- Utandørsaktivitetar kan gjennomførast dersom det er mogleg å halda god avstand.

Reglar for heile landet: '

Private samankomstar og arrangement:

- Maksimalt fem personar på private samankomstar utanfor eigen heim, som for eksempel i ein bursdag i leigd lokale. Om ein er fleire enn fem i same husstand, kan sjølvsagt alle i husstanden møtast.

- Maksimalt ti personar på innandørs idrettsarrangement, kulturarrangement, seminar, livssynssamlingar, seremoniar og liknande. Likevel 200 personar kor alle i publikum sitter i fastmonterte seter. I gravferd kan det vera opp mot 50 personar, sjølv om setene ikkje er fastmontert.

- Dei fleste av desse arrangementa vil uansett ikkje vera i tråd med nasjonale tilrådingar, og bør difor utsettast eller avlysast.

Uteliv:

- Det blir innført nasjonalt forbod mot skjenking av alkohol på serveringsstadar og arrangement.

Kyrkjevandring:

- Dei særlege reglande for kyrkjevandring vert straks oppheva, i staden for 15. januar.