Erik Mogeno med familieshow til Husnes
Søndag 23. april kjem buktalar og komikar Erik Mogeno til kulturhuset på Husnes med førestillinga «Livet med dukker».
– Buktalarshow i Norge er sjeldan vare, men her vil du bli både fasinert og imponert, samtidig som du vil få deg ein god latter, seier Mogeno i ei pressemelding.
Førestillinga passar for alle frå 6 år og oppover, og det er sjeldan det vert laga humorshow som 3 generasjonar kan oppleva og ha glede av saman, skriv han vidare.
Annonse
Erik Mogeno har sidan finaleplassen i Norske Talenter i 2010, reist landet rundt og gjennomført over 2500 førestillingar. I videoar på ulike sosiale medier har han gjort karakterane sin kjende der dei har over 25 millionar visingar.
