Er badeplassen din rein?
Kvinnherad kommune har teke vassprøvar på ti offentlege badeplassar i Kvinnherad. Berre to av dei viste gode verdiar på tarmbakteriemålinga.
Publisert
Sist oppdatert
Prøvene er tekne i strandkanten, og ifølge rapporten var det særs mykje nedbør denne dagen. Dette vil seie at regnvatnet mest sannsynlig har drege med seg mykje bakteriar frå land og skylt dei ut i strendene.
«Resultata er heilt typiske med mykje nedbør og vil normalisera seg i løpet av kort tid utan nedbør» heiter det i rapporten.
Annonse
Vassprøvene er analysert for både Termostabile Koliforme Bakteriar (TKB) og Fekale Streptokokkar (FS). Funn av desse indikerer at det er kome avføring i vatnet. Resultat på under 100 pr. 100 ml vatn er god kvalitet. Mellom 100 og 1000 er mindre god kvalitet og resultat på over 1000 er ikkje akseptable resultat.
Berre badeplassane Borvik og Dimmelsvik fekk god kvalitet på vatnet.
Sjå resultata i bilete under.
