– Endeleg ny pizzakveld
På laurdag er det igjen, etter eit heilt års pause, duka for pizzakveld i Valen kyrkje.
– Fyrst var det korona og slikt, og då me skulle koma i gong att i haust, hadde me ein stor vasslekkasje i kyrkja. Men no er alt på stell, skriv dagleg leiar for kyrkjelydsarbeidet, Jan-Ove Fagerheim.
Pizzakveldane er eit familiearrangement retta mot alle, både unge og eldre, får me opplyst.
Annonse
– Då me starta med desse kveldane for 15 år sidan, var det fantastisk å oppleva den store spreiinga i alder me fekk møta. Det er unikt med ei samling der ein kan møtast på tvers av generasjonane og fungera så godt saman, skriv han vidare.
Me får opplyst at det vert ein programdel med underhalding, song og andakt. Etterpå vert det servering av pizza, og utover kvelden får dei vaksne høve til å prata i lag medan det vert ulike leikar, spel og aktivitetar for borna.
– Me håpar du tek turen og blir med, avsluttar Fagerheim.
