Endå fleire oppseiingar ved Rosendal Fjordhotel
For nokre veker sidan skreiv Grenda at fleire av dei fast tilsette ved Rosendal Fjordhotel hadde sagt opp jobben. No har talet oppseiingar auka.
Publisert
Sist oppdatert
Dette stadfestar Inger Lise Voll, som er tillitsvalt på arbeidsstaden. Stillingane som er sagt opp er knytt til restauranten og resepsjonen.
Ole Kristian Johannessen ved West Coast Invest har følgjande kommentar då Grenda spør om han kan bekrefte at det er kome fleire oppseiingar sidan sist avisa var i kontakt med dei:
Annonse
– Ingen kommentar.
Johannessen vart samstundes førelagt spørsmål om korleis dei på generelt grunnlag handsamar varsel frå sine tilsette, samt om den siste arbeidsgjevaren, eigaren av Risør Hotel, vart kontakta som referanse då den nye hotellsjefen vart tilsett 1. mars i vår, og om kva premiss som vart lagt til grunn for denne tilsettinga.
Kommentaren til Johannessen kom som svar på alle desse spørsmåla.
