Onsdag var det duka for skulevaldebatt i idrettshallen ved KVV. Mange hundre elevar møtte opp for å høyra partia debattera mot kvarandre. I hovudsak innan temaene miljø og klima, og skule og utdanning.

Emilie og Vilde styrte politikarane

Onsdag var det duka for skulevaldebatt på KVV, og elevane møtte opp i idrettshallen for å høyra partia debattera mot kvarandre. I hovudsak innan temaene miljø og klima, og skule og utdanning. Sjølv om det tidvist var vanskeleg for partia å halda seg til tema, som i ein kvar politisk debatt, var det ein god og underhaldande skuledebatt.

Marthe Eide
Publisert Sist oppdatert

Emilie Askeland (17) og Vilde Emmerhoff (18) var ordstyrarar under skulesvaldebatten, og dei begge er elevar ved KVV.

På førehand ynskja Emilie at alle oppførte seg skikkeleg under debatten.

– Eg håpar dei unngår for mykje krangling, er vaksne og at det blir ein bra debatt, smilar Emilie.

Venninna, Vilde, var einig i dette. Ho hadde som arbeidsoppgåve å notera viktige saker undervegs.

– Eg håpar me sit igjen med meir kunnskap, og kanskje ei meining om kven me skal stemme på under skulevalet i morgon. Eg veit det er mange så bestemmer seg etter ein slik debatt, fortel ho.

Emilie Askeland (t.v.) og Vilde Emmerhoff var ordstyrarar under skulevaldebatten onsdag.
Debattantane under skuledebatten hadde eit stort og ivrig publikum.

Ordstyraren Emilie starta skulevaldebatten med å ynskja alle velkomne, samstundes som ho introduserte partia i panelet. Både Rødt, SV, Ap, MDG, H, Frp, Sp og V deltok, og presenterte sine hjartesaker. Deretter ville ordstyraren veta meir om klima og miljø.

Ordstyrarane gjorde ein imponerande jobb med å styra dei ulike partia i høve til tema og tidsbruk. Nokre parti vart svært ivrige, og nokon sinte og irriterte. Då var Emilie rask med å visa kven som bestemde.

Kvar og eit parti kom med sine hjartesaker kring temaet klima og miljø, og skule og utdanning. Det var diskusjonar rundt mellom anna olje og gass, arbeidsplassar, skatt, lekser og eksamenar.

Elevane Mathilde Røssland (15), Ylva Dahl Sindradottir (15) og Emma Størksen (16) var alle like overraska over engasjementet under skuledebatten.

– Eg vart svært overraska over kor engasjerte dei ulike partia var. Nokre av dei vart nesten litt aggressive, ler Ylva, medan Emma skyt inn:

– Fremskrittspartiet imponerte med mange gode og viktige saker. Dei var skikkeleg ivrige, og viste klart og tydeleg under debatten at dei er på ungdommen si side. Han nemnte mellom anna at bensinen bør vera billigare, og det er eg heilt einig med han i.

Mathilde Røssland (t.v.), Ylva Dahl Sindradottir og Emma Størksen var både inspirerte og litt klokare etter skulevaldebatten.

I morgon skal disse jentene stemme for fyrste gong. Ingen av dei er heilt sikre på kva parti dei kjem til å velja, men dei alle er einige om at debatten har gitt dei noko å grubla på.

– Eg følar eg veit meir kva dei ulike parti står for. Ein slik debatt gir oss mykje kunnskap og engasjement rundt politikk, seier Ylva.

– Det er kjempe viktig å nytta stemmeretta si, smilar Mathilde.

kultur og underhaldning husnes nyhende politiske parti val politikk
Powered by Labrador CMS