Emilie Enger Mehl orienterte om koronasituasjonen
For å avgrensa importsmitte har regjeringa beslutta å innføre strengare kontrollkrav ved innreise til Norge.
Publisert
Sist oppdatert
– Smittesituasjonen er framleis usikker og uoversiktlig i mange land. For å avgrense importsmitte skjerpar vi altså innreisetiltak og kontroll ved grensa frå 26. november. Frå den datoen må alle registrera seg før innreise til Norge. Det blir også nye krav til testing ved innreise, informerte Mehl under pressekonferansen fredag føremiddag.
Konsekvensane er at alle som kjem til Norge frå og med denne datoen, må registrere seg, dette gjeld norske statsborgarar, vaksinerte og uvaksinerte. Den enklaste måten å gjera dette på er å nytta nettstaden reiseregistrering.no.
Annonse
– Når du registrerer deg vil du få ei stadfesting. Denne vil du vera pliktig til å vise fram til politiet ved kontroll. Du vil dessutan vera pliktig til å visa frem koronasertifikat dersom politiet ber om det, forklarte justis- og beredskapsministeren vidare.
Alle må ta sin del av ansvaret
Grunnen til at det er innført strengare kontrollkrav ved innreise til Norge er å avgrense importsmitte, men regjeringa meiner også det vil ha andre positive følgjer:
– Vi trur at dette er den beste måten å avgrense importsmitten på, samstundes som vi får eit system som kan stå seg gjennom vinteren, der den gruppa som har vore utestengt frå Norge kan få reise hit, dersom dei oppfyller innreisekriteria.
Annonse
Mehl understreka at den globale pandemien ikkje er over, og at alle må ta sin del av ansvaret, ved å følgja dei råda og reglane som er sett.
