Torsdag var det duka for «Skulejoggen 2021» for elevar ved Halsnøy skule. Årets løpsinntekt gjekk til SOS-barnebyers katastrofefond.
Elevane sprang for SOS barnebyer
Torsdag vart det arrangert «Skulejoggen 2021» ved Halsnøy Skule. Trass i at regnet bøtta ned, var det imponerande innsats og god stemning blant elevane frå 1-7 trinn.
Årets løpsinntekt gjekk til SOS-barnebyers katastrofefond. Fordelt i to klassevise grupper, fyrste til tredje og fjerde til sjuande, la kvar og ein ned fleirfaldige kilometer i det ausande regnvêret. Dei minste sprang 600 meter i sirkel rundt skuleområdet, mens dei eldste sprang ei løype på 1 kilometer i byggefeltet ved skulen. Fleire av elevane var så spreke at dei jogga løypa fleire gongar.
Elevane hadde også stjernekort, der dei fekk ei stjerne for kvar runde dei sprang. Og på førehand hadde fleire av barna skaffa seg sponsorar, i form av foreldre, besteforeldre, tanter og onklar.
Annonse
– Mange av elevane har teke dette på høgst alvor, og spurt fleire i familien etter spons. Det er skikkeleg flott. Dei er klar over at det går til ein god sak, og legg ned mykje innsats både på førehand og under løpet, smiler avdelingsleiar Kristin Isdal.
Elevane frå 1-7 trinn var spente og klare for «Skulejoggen 2021».
1. trinn oppvarma med både dans og hopp.
Innsatsen og humøret var på topp for kvar runde. Fleire av elevane var så spreke at dei jogga løypa fleire gongar. Agnes H. Tofte (t.v.) og Celine Romsø Sjo.
Ingeborg Olefine Nygård (9) hadde skaffa seg fleire sponsorar. Både mormora og begge foreldra hadde hjelpt ho med å støtte SOS-barnebyer. -Me trenger berre springe så får andre barn det betre, seier Ingeborg medan ho spring forbi målstreken.
Maren Sæle (t.v.) og Lotta Normann Fjelberg i 1. klasse tok seg ein velfortent pause etter tre rundar. Dei syns det var svært kjekt å springe for å hjelpe andre barn som ikkje har det så godt. Difor la dei ut på endå ein runde etter litt prat.
Svein Magnus Johnsen (t.v.) og Emil Landa i sjuande klasse hadde som mål å springe ti rundar.
Leah Johansen Gjelseng (6) ventar spent på ei stjerne i stjernekortet sitt.
Vemund Guttorm innom drikkestasjonen for litt påfyll.
T.v. Ingebjørg Marie Maridal Nordhus (8) og Amy Johanna Freitas Berntsen (9) kunne fortelja at dei gav 10 kroner til SOS-barnebyer for kvar runde dei sprang, med god hjelp frå sine sponsorar.
Lisa Ulrich Emmerhoff (11) går til vanleg på friidrett, og spring elles mykje på fritida. Ho tok difor løpet som ei treningsøkt, og syns det var kjekt å sjå kor mange rundar ho rakk før skuledagen var over. Til saman sprang ho sju rundar.
Harald Hansen Eide i første klasse elskar å springe, og klarte til saman imponerande femten rundar. Han visar stolt fram sine femten stjerner på stjernekortet sitt.
