Ekstra koronamidlar til fylkesvegar i Vestland: Desse tiltaka får midlar i Kvinnherad

– Vi har eit ekstremt behov for vedlikehald på fylkesvegane våre, så dette er midlar som kjem veldig godt med, seier Jannicke Bergesen Clarke, leiar i hovudutval for samferdsel og mobilitet i Vestland fylkeskommune i ei pressemelding.

For å stimulera til aktivitet og jobbar i heile landet i samband med koronakrisa, fekk regjeringa seint i 2020 med seg eit fleirtal i Stortinget på å løyva 400 millionar kroner ekstra til vedlikehald av fylkesvegar.

Desse midlane skal ifølgje regjeringa koma i tillegg til dei prosjekta og tiltaka som allereie er planlagd for 2021 av fylkeskommunane.

– Det er ikkje stilt krav til eigendel frå kommunane, og pengane skal gå til vedlikehaldstiltak og mindre utbetringstiltak. Tiltaka må gjennomførast i løpet av 2021, står det å lesa i pressemeldinga.

Desse tiltaka får midlar:

På tildelingslista til Vestland fylkeskommune finn vi fire tiltak i Kvinnherad:

Fv. 5024 Matre – ÅkraFjellsikring1,0 mill.

Fv. 5024 Matre – ÅkraUtskifting av rekkverk0,4 mill.

Fv. 548 ErslandStabilitetssikring i dagen, bergreinsk/boltar/nett0,5 mill.

Fv. 500 RosendalNytt vegdekke5,2 mill.