Eitt steg nærare nydyrking: – Dette er positivt
Endre Mehl sprettar ikkje noko champagne før han har fått skriftleg godkjenning til å dyrka, men gler seg over utviklinga i saka.
Publisert
Sist oppdatert
– Eg veit ikkje heilt. Dette er jo positivt, seier Endre Mehl etter meldinga om at Klima- og miljødepartementet bestiller endring av forskrift om vern av Hattebergsdalen.
– Det har vore nokre rundar etter kvart. Me ser at det er den politiske velvilja som har gjort den tyngste jobben for oss. Avslaga som har fått mediedekning har gitt politisk interesse for vår sak, og den politiske hjelpa har vore med driva prosessen vidare for oss, analyserer Mehl til Grenda.
Annonse
Han er tydeleg på at det han og sambuaren Målfrid Hatteberg Nerhus driv er eit lite bruk, drive av idealisme og dugnad.
– Det er ikkje noko me blir rike av, men me trur dette er noko for framtida, og me trur at med beresterk jord så kan me hausta derifrå i framtida, sjølv med eit fuktigare klima. Det er kjempepositivt at dei vil opna for ei forandring her. Ingenting er betre enn eit fornuft sjølvstyre, meiner han.
Men før dei får ei skriftleg godkjenning på å dyrka , så sprettar ikkje sambuarparen champagnen.
– Eg ser at det går tid før me er i mål. Me er uansett veldig takksame for at det blir tatt tak i av nasjonalparkstyret, sluttar Endre Mehl.
