Eit juletre med meining

Kvinnherad Frivilligsentral sette opp juletre med gåveynske på Husnes i fjor, og dei rakk også å plassera eit på Halsnøy i siste liten. I år utvidar dei med Rosendal, der treet står i inngangspartiet hjå Varehuset Rosendal. På treet heng ein plakat med overskrifta «Oppfyll eit ynske – Eit juletre med meining».

– Det er kome inn ynske via dei kommunale tenestene eller direkte frå private. Ulike gåveynske frå barn og unge er hengt på trea. Folk kan plukka med seg ein lapp og gå og handla det som står der. Gåva skal så leverast til Frivilligsentralen, og vi syter for at den blir formidla vidare til den som kom med ynsket, opplyser Bente Nilsen i Frivilligsentralen Rosendal.

På treet i Rosendal finn ein ynske som til dømes lego, sminke, klede, hårfønar og termos.