– Eit hendeleg uhell
Natt til langfredag brann den populære turhytta på Valeøya ned til grunne. Dei som var der tidlegare same dag har no teke kontakt med politiet.
Publisert
Sist oppdatert
Politi og brannvesen rykte ut til Valeøya etter melding om brann klokka 02.35 natt til langfredag.
– Turhytta stod ikkje til å redda, dessverre, seier lensmann Sigurd Børve.
Annonse
Då dei var på staden fekk dei inn informasjon om at det hadde vore samla ein del ungdomar på staden. Ungdomar som sjølv har teke kontakt med politiet.
– Dei som hadde vore der har sjølv teke kontakt med oss og gitt oss den informasjonen dei hadde. Det er ein stad kor det er tilrettelagt for bålbrenning, så har det her på ein eller anna måte teke fyr. Det var eit hendeleg uhell, seier Børve.
Lensmannen fortel at friluftsrådet, som eigde turhytta, også ser på hendinga som eit hendeleg uhell.
