«Ein sirkel av liv» med Strupebandet

Strupebandet med gjester arrangerer heile tre konsertar torsdag 28. april og fredag 29. april. Konserten har fått tittelen «Ein sirkel av liv», og blir halde i kinosalen i Halsnøy kulturhus.

Sissel Vebenstad Eide skryt over innbyggjarane, som ho vonar vil koma og støtta dei også denne gongen.

– Dei som kjem får servert ein musikal-medley, med innslag av nyare og eldre sort. Det blir gjesteinnslag med barn, og det blir mogleg ein litt lausare og lettare konsert enn det me tidlegare har hatt, seier ho.

Koret har hatt mindre enn fire månadar på å øve inn repertoaret til konserten, og det er deira første med ny dirigent, Hilde Svalbjørg. Vebenstad Eide håpar publikum tar turen for denne reisa i musikalverda.