Den årelege Tine-stafetten er eit populært innslag i skulekvardagen, og lokkar fram konkurranseinstinkt så vel som både idrettsglede og kameratskap.

Ein fest av ein stafett

Fredag møtte elevar frå fleire skular kringom kommunen til ein livleg sprintduell på Husnes Stadion, også kalla Tine-stafetten.

Journalist i Grenda
Publisert Sist oppdatert

Fyrst ut i aksjon var 5.-7. klasse frå Malmanger, Omvikdalen, Uskedalen, Bringedalsbygda, Skarveland, Undarheim og Valen skule.

Det mangla på inga måte verken på iver, engasjement eller idrettsglede blant deltakarane. Like fullt som alle vinnarane fekk både jubel og applaus, vart dei som kom lenger bak heia fram til målstreken av tilskodarane.

Lunkne

Dei fleste klassane hadde også trena, i større eller mindre grad, på førehand som førebuing til det store løpet.

Ein av dei som var med var Kristian Brix Jonasen frå Undarheim skule.

– Me har brukt to gymtimar på å øva. I tillegg hadde me eit kappløp på 60-meteren der dei raskaste fekk bli med på laget, fortel den unge utøvaren.

– Korleis følte du det gjekk i dag då?

– Det gjekk fint, men kanskje litt skuffa over at me ikkje fekk ei betre plassering, fortel han etter målgang.

To andre elevar frå Undarheim var også litt lunkne etter løpet.

– Det gjekk sånn passe. Fyrst var me veldig nøgde då me trudde at me hadde hamna på 3. plass, men så fann me ut at det var fleire heat, og då skjøna me at det ikkje kom til å bli 3. plass på oss likevel, fortel 7. klasse-jentene Liv Mikkelsen og Anna Mehl Prestnes litt skuffa.

Liv Mikkelsen (t.v) og Anna Mehl Prestnes (t.h) hadde ein fin dag på Husnes stadion trass i at dei vart litt skuffa då dei missa 3. plassen.
Dagens aller fyrste heat ut står og ventar på klarsignal.
For å kunne melda på eit lag treng ein 8 personar, fire gutar og fire jenter. Kvar etappe varte ein halv runde rundt bana.
Det var tydeleg at mange hadde øvd på dette med å gje stafettpinnen vidare, sjølv om det ikkje alltid var like enkelt likevel.
Tinestafetten-23: N/A
Tinestafetten-23: N/A
Tinestafetten-23: N/A
Engasjementet var det ingenting å sei noko på.
Det var ikkje berre blant elevane ein såg stort engasjement, læarane gjorde ein formidabel jobb som både heiagjeng og støtteaparat.
Idrettsgleda var stor, men vinnargleda var for mange endå større.
Mange klemmar vart gjevne ved målgang.
Og mange klapp på skuldera etter aldeles framifrå innsats.
Ein sliten sisteetappe-løpar mottek full jubel frå lagkameratane sine etter at sigeren er sikra.
Det var også mange som sat på tribunen og heia på alle som sprang.
Ein kunne også sjå mange kreative ventesyslar for å få tida til å gå.
Det var ein svært fullpakka stadion denne morgonen, og mange var komen anten for å vera med eller for å heia.
Desse to karane var særs nøgde med at avisa var på plass for å dokumentera eventet.
friidrett sport nyhende
Powered by Labrador CMS