Éin av passasjerane er frå Kvinnherad
Onsdag ettermiddag opplyser Kvinnherad kommune at éin av passasjerane om bord «SeaDream I» er frå Kvinnherad. Vedkomande er no i karantene.
Artikkelen held fram under annonsen.
«Kommunelegen har i dag hatt kontakt med Folkehelseinstituttet (FHI) om situasjonen knytt til cruiseskipet «SeaDream I». FHI rår til at dei vanlege prosedyrane vert følgt, det vil seia fokus på handhygiene og testing dersom det oppstår symptom. Vi har fått melding om at éin passasjer på det aktuelle cruiset er heimehøyrande i Kvinnherad, og vedkomande er no testa og held seg i karantene til 12. august.
Som eit ekstra tiltak har kommunen og Rosendal Hamn fått testa dei medarbeidarane som har hatt direkte kontakt med skipet og sett dei i karantene til det kjem svar på prøvane», heiter det i pressemeldinga frå kommunen.